საქართველო, 29 ნოემბერი, საქინფორმი. „მოსკოვის დიალოგი საქართველოს ახალ ხელისუფლებასთან შესაძლებელია არსებული გეოპოლიტიკური რეალიების გათვალისიწნებით“, – განუცხადა გამოცემა „კომერსანტს“ რფ-ის მთავრობის მეთაურმა დიმიტრი მედვედევმა.

„ეს ყველაზე იოლი გზა როდია, თუმცა, რუსეთი ყოველთვის ამბობდა, რომ ჩვენ მზად ვართ საქართველოს ახალ ხელისუფლებასთან დიალოგისათვის, მაგრამ, ცხადია, არსებული გეოპოლიტიკური რეალიებისა და აფხაზეთისა და სამხრეთ ოსეთის აღიარების შესახებ რუსეთის მიერ მიღებული გადაწყვეტილების გათვალისწინებით“, – განაცხადა მან გამოცემასთან ინტერვიუში.

კითხვის პასუხად, მზადაა თუ არა იგი საქართველოს პრემიერ-მინისტრ ბიძინა ივანიშვილთან შესახვედრად, დიმიტრი მედვედევმა აღნიშნა, რომ რუსეთის ხელისუფლება გულდასმით ადევნებს თვალს ამ ქვეყნიდან წამოსულ სიგნალებს და იქვე განმარტა, რომ უწინ შეუძლებლად მიაჩნდა მხოლოდ სააკაშვილთან დიალოგი.