საზოგადოება
აფხაზეთის გავლით სარკინიგზო მიმოსვლა დღის წესრიგში აღარ დგას
საქართველო, 28 ნოემბერი, საქინფორმი. აფხაზეთის გავლით სარკინიგზო მიმოსვლისა და 1992 წლიდან უმოქმედო აფხაზეთის რკინიგზის მუშაობის აღდგენა დღის წესრიგში აღარ დგას. ამის შესახებ საქართველოს რეინტეგრაციის მინისტრმა პაატა ზაქარეიშვილმა განაცხადა.
ზაქარეიშვილის უწინდელი განცხადებით, საქართველოს ხელისუფლება მზად იყო, „აფხაზეთის დეიზოლაციის სტრატეგიის“ ფარგლებში რუსეთთან სარკინიგზო მიმოსვლა აღედგინა. სოხუმს კი მიაჩნია, რომ ამ წინადადებას პოლიტიკური სარჩული უდევს და „აფხაზეთის დეიზოლაციის“ შესახებ გამონათქვამებში სინამდვილეში სჭვივის თბილისის მისწრაფება, რესპუბლიკაში ქართველი ლტოლვილები დააბრუნოს.
„ეს თემა თითქმის მაშინვე დაიხურა, რადგან აფხაზეთის მხარემ მის მიმართ ინტერესი არ გამოიჩინა. საკითხი დაიხურა თითქმის ამ იდეის გახმოვანებისთანავე“, – განუცხადა მინისტრმა ჟურნალისტებს.
