საზოგადოება
სოციალურად დაუცველები: „მოთხოვნა არის ერთი – ან გვითხრას კი, ან – არა!“
საქართველო, 26 ნოემბერი, საქინფორმი. სოციალურად დაუცველი ოჯახების წარმომადგენლები დღეს დილიდან ჯანდაცვის სამინისტროში შეიკრიბნენ მინისტრის პასუხის მისაღებად. ნაწილის სურვილია, რომ სახელმწიფომ მათ ქირა გადაუხადოს, შეკრებილთა უმრავლესობა კი ითხოვს, ბინები მუდმივ საკუთრებაში გადაეცეთ.
ერთ-ერთი სოციალურად დაუცველი აცხადებს, რომ მათ დღეს სამინისტროდან ოფიციალური პასუხი უნდა მიეღოთ – „ბინით დაკმაყოფილება გვეკუთვნის თუ არა. ჩვენი მოითხოვნა არის ერთი – ჩამოვიდეს და გვითხრას, ან კი, ან – არა“.
მათი განცხადებით, მათი მოთხოვნების უგულებელყოფის შემთხვევაში ისინი გზას კიდევ გადაკეტავენ. ამასთან, აპირებენ შვეიცარიის საელჩოსთან წასვლას და ოფიციალურად საქართველოს მოქალაქეობაზე უარის თქმას:
„საქართველო მართლა გვიყვარს, აქ დავიბადეთ და გავიზარდეთ, მაგრამ ჩვენ საქართველოს მოქალაქეობაზე ვამბობთ უარს“.
