საზოგადოება
შეხვედრა სამხედრო პოლიციის თანამშრომლებთან
საქართველო, 19 ნოემბერი, საქინფორმი. საქართველოს თავდაცვის სამინისტროს ინფორმაციით, დღეს სამხედრო პოლიციის ახალი უფროსი დეპარტამენტის სამსახურების ხელმძღვანელ პირებს შეხვდა. ვიცე-პოლკოვნიკმა კახა ჩიხრაძემ სამმართველოს უფროსებთან ერთად გასულ კვირას ჩატარებული სამუშაოები შეაჯამა და სამომავლო გეგმები განიხილა.
როგორც დღევანდელ შეხვედრაზე გახდა ცნობილი, სამხედრო პოლიციის ხელმძღვანელის ინიციატივით, შეიარაღებული ძალების ვეტერანთა საქმეების გადახედვა დაიწყება.
კვალიფიკაციის ამაღლების მიზნით, სამხედრო პოლიციის დეპარტამენტის თანამშრომელთა გადამზადებაც იგეგმება.
სამხედრო პოლიციის უფროსის განცხადებით, ხელმძღვანელ პირებთან შეხვედრები რეგულარულად ჩატარდება.
