პოლიტიკა
პრემიერ-მინისტრი: „ეს არ იყო პოლიტიკური დაკავება“
თბილისი, 7 ნოემბერი, საქინფორმი. „შს ყოფილი მინისტრის – ბაჩო ახალაიასა, და გაერთიანებული შტაბის უფროს გიორგი კალანდაძის დასაკავებლად სამართლებრივი საფუძლები არსებობდა“, – განუცხადა ჟურნალისტებს საქართველოს პრემიერ-მინისტრმა ბიძინა ივანიშვილმა სასტუმრო „ქორთიარდ მარიოტში“.
ივანიშვილის განმარტებით, იგი ამ საქმესთან დაკავშირებით კონკრეტულ ინფორმაციას არ ფლობს და არც ამ პროცესებში მონაწილეობდა.
„ეს არ იყო პოლიტიკური დაკავება და რამდენადაც ვიცი, ამისთვის არსებობდა სამართლებრივი საფუძვლები. ეს გააკეთეს მათ, ვისაც კანონით ეკუთვნოდა და ყველაფერი გაკეთდა ყოველგვარი კანონის დაცვით. მე ამ პროცესებში არ ვმონაწილეობდი და მეტს ვერაფერს გეტყვით“, – აღნიშნა პრემიერ-მინისტრმა.
