თბილისი, 22 ოქტომბერი. საქინფორმი. გუშინ, 2012 წლის 21 ოქტომბერს, 13.00 საათზე, საქართველოს ახალარჩეული მე-8 მოწვევის პარლამენტის პირველი სხდომა, საქართველოს კონსტიტუციაში შეტანილი ცვლილების თანახმად, ქალაქ ქუთაისში გაიმართა.

პარლამენტის დროებითი სამანდატო კომისიის თავმჯდომარე ირინა იმერლიშვილმა დეპუტატებს  ფრაქციების, უმრავლესობის, უმცირესობის შემადგენლობა გააცნო:

ფრაქცია „ქართული ოცნება“ – 65 დეპუტატი, ფრაქციის თავმჯდომარე ზაქარია ქუცნაშვილი;

ფრაქცია „ქართული ოცნება – თავისუფალი დემოკრატები“ – 11 დეპუტატი, თავმჯდომარე ირაკლი ჩიქოვანი;

ფრაქცია „ქართული ოცნება – რესპუბლიკელები“ – 9 დეპუტატი, თავმჯდომარე დავით ბერძენიშვილი.

ფრაქციები ქმნიან უმრავლესობას, რომლის ლიდერად იმერლიშვილმა დავით საგანელიძე დაასახელა.

საპარლამენტო უმცირესობის ლიდერად დავით ბაქრაძე დასახელდა.

უმცირესობის შემადგენლობაში შედიან:

ფრაქცია „ერთიანი ნაციონალური მოძრაობა“, თავმჯდომარე გიორგი გაბაშვილი;

„ერთიანი ნაციონალური მოძრაობა – მაჟორიტარები“, თავმჯდომარე  აკაკი ბობოხიძე;

„ერთიანი ნაციონალური მოძრაობა – რეგიონები“, თავმჯდომარე ტარიელ ლონდარიძე.

რაც შეეხება „ერთიანი ნაციონალური მოძრაობის“ მაჟორიტარებს – გოდერძი ბუკიას (ხობი),კახა ოქრიაშვილს (დმანისი), გოგი ლიპარტელიანს (ლენტეხი), სერგო ხაბულიანს (ცაგერი) - და ენზელ მკოიანს (ნინოწმინდა), საპარლამენტო უმცირესობაში გაერთიანებას არ აპირებენ.