პოლიტიკა
ივანიშვილი: „დამარწმუნეს, რომ ჩემი პირველი ვიზიტი ევროპაში უნდა შედგეს“
თბილისი, 19 ოქტომბერი, საქინფორმი. პრემიერმინისტრობის კანდიდატი ბიძინა ივანიშვილი ევროკომისარ შტეფან ფულესა და ევროკავშირის დელეგაციის წევრებს შეხვდა. „ქართული ოცნების“ ლიდერის ბიზნესცენტრში გამართულმა შეხვედრამ მეგობრულ გარემოში ჩაიარა. საუბარი, ძირითადად, საქართველოსა და ევროკავშირს შორის სხვადასხვა საკითხზე მიმდინარე მოლაპარაკებებს შეეხებოდა.
„ეს იყო ჩვენი მეორე შეხვედრა. მოხიბლული ვიყავი ჩვენი პირველი შეხვედრით. ძალიან საინტერესო საუბარი გვქონდა, მივიღეთ ბევრი რჩევა და მიპატიჟება; მე დამარწმუნეს, რომ ჩემი პირველი ვიზიტი ევროპაში უნდა შედგეს“, – განაცხადა ბიძინა ივანიშვილმა.
„აქ ვიმყოფები ძალაუფლების გადაცემის პროცესში. ჩვენ ძალიან კარგი, ღია და გულწრფელი საუბარი გვქონდა ბატონ ივანიშვილთან. გვსურს, გავაღრმავოთ საქართველოსთან ურთიერთობა. გასულ წლებში ძალიან ბევრს მივაღწიეთ და ახლაც ჩვენს ინტერესებშია, რომ საქართველო და ქართველი ხალხი კიდევ უფრო დაუახლოვდეს ევროკავშირს“, – განაცხადა ევროკომისარმა შტეფან ფულემ. 
