თბილისი, 17 ოქტომბერი, საქინფორმი. საქართველოს პრეზიდენტი მიხეილ სააკაშვილი გუშინ სამუშაო ვიზიტით ბუქარესტში გაემგზავრა, სადაც ევროპის სახალხო პარტიის (EPP) 21-ე კონგრესის მუშაობაში მიიღებს მონაწილეობას.

კონგრესის სესიაზე დაგეგმილია სახელმწიფო მეთაურების, პრემიერ-მინისტრების, ევროსაბჭოსა და ევროკომისიის პრეზიდენტების სიტყვით გამოსვლა. დღეს კონგრესის მონაწილეებს მიხეილ სააკაშვილი სიტყვით მიმართავს. ვიზიტის ფარგლებში საქართველოს პირველი პირი ორმხრივ შეხვედრებსაც გამართავს.

ევროპის სახალხო პარტიის კონგრესზე გაიმართება პარტიის პლატფორმის პრეზენტაცია, იმსჯელებენ სამომავლო გეგმებსა და მიზნებზე  და აირჩევენ პარტიის ახალ პრეზიდენტსა და გენერალურ მდივანს.