საზოგადოება
ქალაქის ბიუჯეტი და კომუნალური გადასახადები
თბილისი, 12 ოქტომბერი, საქინფორმი. თბილისის მერიაში დღეს 2013 წლის ბიუჯეტზე იმსჯელებენ. ერთ-ერთი მთავარი საკითხი კომუნალური გადასახადებია. ამ მიმართულებით მოსახლეობისათვის სხვადასხვა შეღავათი დაწესდება. მთავარი კი ელექტროენერგიისა და კომუნალური გადასახადების განცალკევება იქნება.
ვინაიდან „ნაციონალური მოძრაობის“ დაპირება – 1000-ლარიანი ვაუჩერის გაცემა, ვეღარ შევა ძალაში, მერიაში მიიღეს გადაწყვეტილება, რომ შეღავათი მოსახლეობისათვის სხვა გზით დაწესდეს.
თბილისის საკრებულოს „ნაციონალური მოძრაობის“ ფრაქციის წარმომადგენელ კოკი იონათამიშვილის განცხადებით, „ქალაქის მერია მუშაობს რამდენიმე ალტერნატიულ ვარიანტზე, რომელთაც საკრებულოს წევრებს წარუდგენენ. უახლოეს პერიოდში იგეგმება ბიუჯეტის მიღება როგორც ნაციონალურ, ისე ქალაქის დონეზე“.
