თბილისი, 10 ოქტომბერი, საქინფორმი. ამ დროისათვის საქართველოს სახალხო დამცველის თანამდებობაზე რამდენიმე კანდიდატურა განიხილება, მათ შორის, საქართველოს ახალგაზრდა იურისტთა ასოციაციის თავმჯდომარე თამარ ჩუგოშვილი, იურისტი თამარ გურჩიანი, ადვოკატი გელა ნიკოლაიშვილი, ადამიანთა უფლებების დაცვის ცენტრის ხელმძღვანელი უჩა ნანუაშვილი, უფლებათა დამცველი ლია მუხაშავრია.

სასჯელაღსრულების, პრობაციისა და იურიდიული დახმარების საკითხთა მინისტრობის კანდიდატ სოზარ სუბარის განმარტებით, ამჟამად დაკონკრეტებული არაფერია და „ეს საკითხი მხოლოდ საზოგადოებასთან მჭიდრო თანამშრომლობით გადაწყდება“.