სამართალი
პოლიტიკური პატიმრების სია ზუსტდება
თბილისი, 9 ოქტომბერი, საქინფორმი. გუშინ, 8 ოქტომბერს, „თბილისის ჰელსინკის ჯგუფის“ მორიგი სხდომა გაიმართა. ჯგუფის შეხვედრაზე მოისმინეს ყველა განსახილველი საქმე, იმსჯელეს პოლიტიკური პატიმრების სიის საბოლოო ფორმირებაზე, რომელიც დღეს დაგეგმილ სხდომაზე უნდა დასრულდეს.
როგორც „თბილისის ჰელსინკის ჯგუფში“ ამბობენ, იგეგმება აღნიშნული სიის გამოქვეყნება და კომპეტენტური ორგანოებისთვის გადაგზავნა პოლიტიკური ნიშნით დაპატიმრებულ პირთა გათავისუფლების მოთხოვნით.
სხდომაზე „თბილისის ჰელსინკის ჯგუფმა“ ხმათა უმრავლესობით თავმჯდომარედ ლალი აფციაური აირჩია.
