თბილისი, 27 სექტემბერი, საქინფორმი. ეუთოს საპარლამენტო ასამბლეის პრეზიდენტი რიკარდო მილიორი საქართველოში საპარლამენტო არჩევნების წინ სამოქალაქო საზოგადოების აქტივისტებისა და ოპოზიციის წევრების დაკავების ფაქტებით შეშფოთებულია.

„მაშინ, როდესაც საქართველოში  საპარლამენტო არჩევნებამდე ერთი კვირაც არ არის დარჩენილი, უაღრესად შეშფოთებული ვარ მედიაში და სამოქალაქო ჯგუფების მიერ გავრცელებული ინფორმაციით ოპოზიციასთან დაკავშირებული აქტივისტების დაკავების თაობაზე“, – ნათქვამია მილიორის განცხადებაში.

მილიორიმ ხაზი გაუსვა, რომ დაკავების ფაქტებსა და მხარეების მიერ გაკეთებულ ბრალდებებს, რომელთა საფუძველზე წინასაარჩევნოდ პოლიტიკური აქტივისტების თამაშიდან გათიშვა ხდება, სერიოზული მიდგომა სჭირდება.