საზოგადოება
„ქართული ოცნება“ ეკონომიკურ პროგრამას წარადგენს
თბილისი, 18 სექტემბერი, საქინფორმი. როგორც საერთაშორისო სავაჭრო პალატიდან იტყობინებიან, საერთაშორისო სავაჭრო პალატის პროექტის – „საქართველოს ეკონომიკურ პროგრესთან დაკავშირებული ხედვები“ – ფარგლებში დღეს სასტუმრო „შერატონ მეტეხი პალასში“ კოალიცია „ქართული ოცნების“ ლიდერი ბიძინა ივანიშვილი გუნდთან ერთად ეკონომიკურ პროგრამას წარადგენს.
ღონისძიებას გახსნის ფადი ასლი – საერთაშორისო სავაჭრო პალატის თავმჯდომარე, მისასალმებელი სიტყვით კი გამოვა ევროკავშირის ელჩი ფილიპ დიმიტროვი.
ღონისძიებაზე მოწვეულნი არიან საერთაშორისო და ქართული ბიზნესის წარმომადგენლები, ასევე, დიპლომატიური კორპუსი.
ღონისძება გაიმართება ქართულ ენაზე სინქრონული თარგმანის უზრუნველყოფით.
