თბილისი, 11 სექტემბერი, საქინფორმი. უწყებათაშორისი კომისია ადგილობრივ თვითმმართველობებსა და სახელმწიფო დაწესებულებებს საარჩევნო კოდექსით  გათვალისწინებული ვალდებულებების შესრულებისკენ მოუწოდებს.

კომისიის მიერ გამოცემულ რეკომენდაციაში აღნიშნულია, რომ კანონმდებლობის მიხედვით, ადგილობრივი ორგანოები ვალდებული არიან, გამოყონ სტენდები სააგიტაციო მასალის განსათავსებლად.

კომისია მოუწოდებს თვითმმართველობებს, გააფართოონ არეალი სააგიტაციო მასალების განსათავსებლად და შეზღუდონ მხოლოდ კულტურულ ძეგლებზე, სასამართლოების, პოლიციის შენობების ინტერიერსა და ექსტერიერზე, ხელისუფლებისა და ადგილობრივი ორგანოების შენობებზე გაკვრა. შეზღუდვა არ ვრცელდება ელექტრონულ ბოძებზე.