თბილისი, 7 სექტემბერი, საქინფორმი. საქართველოს აშშ-ის კონგრესში მტკიცე მხარდაჭერა აქვს. ამის შესახებ სენატორმა ლინდსი გრემმა აშშ-ის საელჩოში გუშინ გამართულ პრესკონფერენციაზე განაცხადა.

მისი თქმით, რამდენიმე კვირის წინ ავღანეთში იმყოფებოდა, სადაც ქართველ სამხედროებს შეხვდა. „მათი დანაკარგი 21-მდეა. პატარა ქვეყნისთვის ეს ძალიან დიდი დანაკარგია. ჩვენი სამხედრო ლიდერები აღმატებულად საუბრობენ თქვენს ჯარისკაცებზე. მადლობა ღმერთს, რომ ებრძვით ექსტრემიზმს, თუნდაც ასე შორს“, – აღნიშნა სენატორმა.

მისივე თქმით, მომავალი არჩევნები საქართველოსთვის გადამწყვეტია. „დემოკრატია ამ ქვეყანაში მუშაობს, რადგან ვისაც შევხვდით, ერთმანეთზე ყველა საჩივარს ამბობს, თავი აშშ-ში მეგონა. არ ვიცი, რა გამოვა აქედან, მაგრამ ყველას მოგიწოდებთ, მიიღოთ არჩევნებში მონაწილეობა. ეს არის შესაძლებლობა, რომ აირჩიოთ საკუთარი ხელმძღვანელობა. ეს ისეთი რამ არის, რაზეც ბევრ სხვა ქვეყანაში ოცნებობენ.