თბილისი, 6 სექტემბერი, საქინფორმი. კოალიცია „ქართული ოცნების“ წარმომადგენელი თედო ჯაფარიძე აშშ-ის ყოფილ სახელმწიფო მდივან კონდოლიზა რაისს შეხვდა. შეხვედრის თემა იყო რეგიონული უსაფრთხოებისა და სტაბილურობის საკითხები, საქართველო-რუსეთის ურთიერთობები. განსაკუთრებული ყურადღება დაეთმო საქართველოში მიმდინარე პოლიტიკურ პროცესებს.

„ქართული ოცნების“ ინფორმაციით, შეხვედრაზე აღინიშნა, რომ აუცილებელია საქართველოში 1 ოქტომბრის საპარლამენტო არჩევნები ჩატარდეს დემოკრატიული სტანდარტების შესაბამისად და რომ არჩევნების გაყალბების ნებისმიერი მცდელობა გამოიწვევს საქართველოს საერთაშორისო იმიჯის შელახვას.