სამართალი
ზვიად ძიძიგური მმართველი პარტიის მიერ ამომრჩეველთა მოსყიდვის შესახებ
თბილისი, 28 აგვისტო, საქინფორმი. საარჩევნო ბლოკ „ბიძინა ივანიშვილი - ქართული ოცნების“ რუსთავის მაჟორიტარობის კანდიდატი ზვიად ძიძიგური რუსთავისა და საქართველოს ამომრჩევლებს მოუწოდებს, მიიღონ ყველანაირი დახმარება სახელმწიფოსგანაც და „ერთიანი ნაციონალური მოძრაობისგანაც“, რადგანაც ეს დახმარებები მათი კუთვნილი ფულით სახელმწიფო ბიუჯეტიდანაა დაფინასებული და ეს არ ნიშნავს, რომ მათ აუცილებლად 5-იანი უნდა შემოხაზონ არჩევნებზე.
„მინდა, მივმართო რუსთავისა და მთელი საქართველოს ამომრჩევლებს, თუ რამეს მოგცემენ, გამოართვით. ეს არის თქვენი. ეს არის საბიუჯეტო სახსრებით შეძენილი პროდუქტი. ამის გამო თქვენ არანაირი ვალდებულება არ გაგაჩნიათ, რომ არჩევნებზე ხუთიანი შემოხაზოთ“, – განაცხადა ძიძიგურმა რუსთავში გამართულ პრესკონფერენციაზე, სადაც მან „ერთიანი ნაციონალური მოძრაობა“ ამომრჩევლის მოსყიდვაში დაადანაშაულა. 
