აქტუალური
წლიურმა ინფლაციამ ივლისში 0,6 პროცენტი შეადგინა
თბილისი, 16 აგვისტო, საქინფორმი. როგორც საქინფორმს საქსტატი ატყობინებს, ბოლო ხუთი თვის განმავლობაში ზედიზედ ხუთი დეფლაციის შემდეგ, 2012 წლის ივლისში, წინა წლის ანალოგიურ პერიოდთან შედარებით, ინფლაციის დონემ საქართველოში 0,6% შეადგინა.
მართალია, ივლისში სურსათზე ფასები 1%-ით შემცირდა წინა წლის შესაბამის პერიოდთან შედარებით, სამაგიეროდ, სატრანსპორტო მომსახურების ფასები 7%-ით გაიზარდა.
თავის ყოველთვიურ ანგარიშებში საქსტატი ცალკე აღწერდა საწვავის ფასების ცვილილებებს, თუმცა ბოლო პერიოდში ამის გაკეთება შეწყვიტა.
წინა წლის შესაბამის პერიოდთან შედარებით, სასტუმროებში, კაფეებსა და რესტორნებში მომსახურების ფასები ივლისში 4,7%-ით გაიზარდა.
