უფლებადამცველები პრეზიდენტის წინააღმდეგ

სამართალი

1-mJavanaZee-samarTali3 თბილისი, 15 აგვისტო, საქინფორმი. ნიკოლოზ მჟავანაძემ, „უფლებადამცველთა გაერთიანების“ თავმჯდომარემ, მიხეილ სააკაშვილის წინააღმდეგ სამხილები პროკურატურაში შეიტანა.

მისი თქმით, ბეშუმსა და დიდგორობის დღესასწაულებზე მხოლოდ „ერთიანი ნაციონალური მოძრაობის“ წევრები დაუშვეს და სხვა პარტიების წარმომადგენლები იქ არ ყოფილან; მიხეილ სააკაშვილს კი, როგორც „ნაციონალური მოძრაობის“ თავმჯდომარეს, მჟავანაძე ამ ფაქტებთან დაკავშირებით პასუხისმგებლობას აკისრებს.

მჟავანაძე აცხადებს, რომ ამის დამადასტურებლად პოლიციელებისა და მაღალჩინოსნების სატელევიზიო კომენტარები აქვს. ეს მასალები მან პროკურატურაში აქცია-პრესკონფერენციის ჩატარების შემდეგ შეიტანა.

ნიკოლოზ მჟავანაძის თქმით, თუ მოქმედი ხელისუფლება არ დაინტერესდება ამ საქმით, მას შემდეგი ხელისუფლება გამოიძიებს.