თბილისი, 14 აგვისტო, საქინფორმი. საქართველოს პარლამენტის თავმჯდომარე დავით ბაქრაძე „ნაციონალური მოძრაობის“ მიერ დასახელებული თბილისის მაჟორიტარობის კანდიდატების წარმატებაში დარწმუნებულია. როგორც მან მაჟორიტარობის კანდიდატების წარდგენისას განაცხადა, გუნდი დაკომპლექტებულია წარმატებული და კომპეტენტური ადამიანებით, ვისაც კარგად ესმის თბილისელების პრობლემა, ვისაც უყვარს თბილისი, ვინც თავს მიიჩნევს თბილისელად, ამაყობს ამით და მზადაა, ყველაფერი გააკეთოს ქალაქის წარმატებისთვის.

პარლამენტის თავმჯდომარემ თბილისის მერთან ერთად „ნაციონალური მოძრაობის“ მაჟორიტარი დეპუტატობის ის ათი კანდიდატი წარადგინა, რომლებიც საპარლამენტო მანდატების მოსაპოვებლად თბილისის სხვადასხვა რაიონში იბრძოლებენ. კერძოდ,

ვაკის საარჩევნო ოლქში კენჭს იყრის გიორგი კარბელაშვილი;

მთაწმინდის საარჩევნო ოლქში – არჩილ გეგენავა;

კრწანისის საარჩევნო ოლქში – დავით საყვარელიძე;

გლდანის საარჩევნო ოლქში – ნიკოლოზ ხაჩირიშვილი;

ნაძალადევის საარჩევნო ოლქში – მერაბ სამადაშვილი;

ჩუღურეთის საარჩევნო ოლქში – ანდრო ალავიძე;

ისნის საარჩევნო ოლქში – გიორგი ვაშაძე;

სამგორის საარჩევნო ოლქში – მიხეილ მაჭავარიანი;

საბურთალოს საარჩევნო ოლქში – ანდრია ურუშაძე;