საზოგადოება
ვანო ჩხარტიშვილი: „ქართველი ემიგრანტები დავუბრუნებთ მეპატრონეებს უკანონოდ წართმეულ ბინებს“
თბილისი, 8 აგვისტო, საქინფორმი. ვანო ჩხარტიშვილის პრესმდივანმა საქინფორმს ბიზნესმენის განცხადება გამოუგზავნა, რომელსაც საქინფორმი მკითხველს უცვლელად სთავაზობს:
მე მომმართა არაერთმა ქართველმა, წარმატებულმა და შეძლებულმაც და, რაც საგულისხმოა, ისეთებმაც, რომლებიც უცხოეთში ლუკმაპურის საშოვნელად არიან გადახვეწილნი. მათ მზადყოფნა გამოთქვეს, გაეღოთ სახსრები უსამართლოდ გაჭირვებაში ჩავარდნილი ქართველების დასახმარებლად.
სამწუხაროდ, საქართველოს ხელისუფლებამ ამ ადამიანებს მათი მიზნის განხორციელების საშუალება ტექნიკური მაქინაციებით მოუსპო. აღნიშნულის გამო, გადავწყვიტე, მონაწილეობა მივიღო აუქციონში, რათა შევისყიდოთ და შემდგომ მეპატრონეებს დავუბრუნოთ აუქციონზე უსამართლოდ გატანილი საცხოვრებელი ბინები.
იმედს ვიტოვებ, რომ ხელისუფლება საბოლოოდ არ დაკარგავს სახეს, ხელოვნური ბარიერებით კვლავაც არ შეეცდება ხელის შეშლას და უსახლკაროდ არ დატოვებს ისედაც უსამართლოდ დაჩაგრულ ქართულ ოჯახებს, რომელთა ბინების გამოსასყიდად აგერ უკვე მეორე დღეა, ფულს მირიცხავენ ქართველი ემიგრანტები.”
