თბილისი, 7 აგვისტო, საქინფორმი. 2012 წლის 30 აგვისტდან აშშ-ის საელჩო საქართველოში ვიზის განაცხადის შეტანის პროცედურებს ცვლის. ამასთან დაკავშირებით აშშ-ის საელჩო განცხადებას ავრცელებს.

მათი ცნობით, ახალი სისტემა მთელ მსოფლიოში ინერგება და ის მომსახურების ღირებულებას ერთ მოსაკრებელში აერთიანებს, რითაც უფრო ნაკლებხარჯიანს ხდის მას.

აშშ-ის საელჩო მხოლოდ ერთი მოსაკრებლის გადახდით ვიზის მიღების მსურველ ყველა მოქალაქეს შემდეგ მომსახურებას სთავაზობს: ვიზის საფასურის გადახდა საკონსულოს მიერ შერჩეული ბანკის ბენისმიერ ფილიალში; სავიზო გასაუბრების დანიშვნა ტელეფონით, ქოლცენტრის მეშვეობით და ელექტრონულად, ვებგვერდის საშუალებით; ზოგადი ხასიათის შეკითხვებზე ინფორმაციის მიწოდება; ვიზის გაცემის შემთხვევაში მოქალაქისათვის პასპორტის მიწოდება; გასაუბრების შემდგომ ვიზის მსურველი მოქალაქისათვის დამატებით მოთხოვნილი საბუთების საელჩოში წარდგენა.

აშშ-ის საელჩოში, აგრეთვე, აღნიშნავენ, რომ მოსაკრებლის არასწორად გადახდის შემთხვევაში თანხა არ ანაზღაურდება და განმცხადებელს ხელახლა მოუწევს ვიზის მოსაკრებლის გადახდა.