თბილისი, 27 ივლისი, საქინფორმი. ყოფილი ბიზნესომბუდსმენი გიორგი პერტაია საინვესტიციო სააგენტოს უხელმძღვანელებს. როგორც „საპარტნიორო ფონდის“ აღმასრულებელმა დირექტორმა, ყოფილმა პრემიერმა ნიკა გილაურმა ჟურნალისტებს განუცხადა, პერტაიას უწყება პარლამენტის მიერ მიღებული გადაწყვეტილების შემდეგ ეკონომიკისა და მდგრადი განვითარების მინისტრის ნაცვლად, „საინვესტიციო ფონდს“ დაექვემდებარა.

ეროვნული საინვესტიციო სააგენტო სამთავრობო ორგანიზაციაა, რომელიც უცხოური ინვესტიციების მოზიდვასა და ექსპორტის ხელშეწყობაზე მუშაობს. სააგენტოს მუშაობას სამეთვალყურეო საბჭო აკონტროლებს, რომლის ხელმძღვანელია „საპარტნიორო ფონდის“ აღმასრულებელი დირექტორი, ყოფილი პრემიერი ნიკა გილაური.

რაც შეეხება ეროვნულ საინვესტიციო სააგენტოს ყოფილ ხელმძღვანელ ქეთევან ბოჭორიშვილს, ის ეკონომიკისა და მდგრადი განვითარების მინისტრის მოადგილედ დაინიშნა.