პოლიტიკა
„ახალი მემარჯვენეების“ სამცხე-ჯავახეთის მაჟორიტარობის კანდიდატები
თბილისი, 25 ივლისი, საქინფორმი. დავით გამყრელიძემ ახალციხეში „ახალი მემარჯვენეების“ სამცხე-ჯავახეთის მაჟორიტარი დეპუტატობის კანდიდატები წარადგინა.
როგორც „ახალი მემარჯვენეების“ თავმჯდომარე აცხადებს, ამ რეგიონშიც მთავარ აქცენტს რაიონული ორგანიზაციების თავმჯდომარეებსა და საკუთარი გუნდის წევრებზე აკეთებენ.
მისი თქმით, „ახალი მემარჯვენეებისთვის“ განსაკუთრებით მნიშვნელოვანია პოლიტიკური აქტივობა ამ რეგიონში. „ხელისუფლებას არჩევნებში ეს რეგიონი მხოლოდ თავისად არ უნდა მიაჩნდეს და უნდა იცოდეს, რომ აქ პოლიტიკური მონოპოლისტი ვერ იქნება“, – აღნიშნა გამყრელიძემ.
