თბილისი, 20 ივლისი, საქინფორმი. სამცხე-ჯავახეთის რეგიონში, ასპინძასა და ვალეში, მოსახლეობას მოსავალი თითქმის მთლიანად გაუნადგურდა. განსაკუთრებით მძიმე მდგომარეობაა სოფლებში: გიორგიწმინდაში, მუგარეთში, ტატანისსა და ფერფაში. დაზიანებულია საცხოვრებელი სახლები, სახურავები, ავტომანქანები.

როგორც ვალეს გამგებელმა გელა გოზალიშვილმა განაცხადა, ადგილობრივ მოსახლეობას ამგვარი სეტყვა და სტიქია არ ახსოვს.

მისივე თქმით, ზარალი ძალიან დიდია. შექმნილია საგანგებო კომისიები. სამხარეო ადმინისტრაციისა და გამგეობების წარმომადგენლები სოფლებში დადიან და მდგომარეობას სწავლობენ.

სამხარეო ადმინისტრაციის მომსახურების სამსახურს უამრავი მოქალაქე აკითხავს.