თბილისი, 19 ივლისი, საქინფორმი. პარლამენტის ოპოზიციური ფრაქცია „ერთობა სამართლიანობისთვის“ არ აპირებს საკანონმდებლო ორგანოს შენობაში თავისი სამუშაო ოთახებს დატოვებას.

როგორც ფრაქციის ხელმძღვანელმა კარლო კოპალიანმა ჟურნალისტებს განუცხადა, პარლამენტის უფლებამოსილება არ ამოწურულა და გაუგებარია, როგორ შეიძლება, მოსთხოვო დეპუტატს სამუშაო ოთახის დატოვება. „ჩვენი ფრაქცია არსად გადასვლას არ აპირებს“, – განაცხადა კოპალიანმა.

როგორც საქინფორმი უკვე იტყობინებოდა, შენობის დაცლა გრძელდება უკვე რამდენიმე დღეა. პარლამენტის თანამშრომლები კრებენ თავიანთ ბარგს „C“ კორპუსში. მათი ინფორმაცით, ოთახები უნდა დატოვონ ერთი კვირის განმავლობაში, რის შემდეგაც შენობაში ფანჯრებსაც კი მოხსნიან.

ცნობისათვის: პარლამენტის „C“ კორპუსში განლაგებულია დეპუტატებისა და დეპარტამენტების უმრავლესობა. დანარჩენ კორპუსებში კი პარლამენტის თავმჯდომარისა და ვიცე-სპიკერების კაბინეტებია.