აქტუალური
გრძელვადიანი დამკვირვებლები უკვე საქართველოში არიან
თბილისი, 19 ივლისი, საქინფორმი. საერთაშორისო რესპუბლიკური ინსტიტუტის (IRI) საქართველოს ოფისის ხელმძღვანელ ანდრეა კირბსის განცხადებით, საქართველოში ჩამოსული გრძელვადიანი დამკვირვებლები რეგიონებში 21 ივლისს გადანაწილდებიან.
გრძელვადიანი დამკვირვებლები ჩაატარებენ მოსამზადებელ სამუშაოებს და მომზადებული დახვდებიან იმ მოკლევადიან დამკვირვებლებს, რომლებიც საქართველოში არჩევნებამდე ერთი კვირით ადრე ჩამოვლენ.
„24-26 მოკლევადიან დამკვირვებელს ველოდებით. დამკვირვებლები მთელი ქვეყნის მასშტაბით იქნებიან წარმოდგენილი. ისინი იმუშავებენ ჩამოთვლილ რეგიონებში“, – განაცხადა ანდრეა კირბსმა.
