აქტუალური
საქსტატი ინფლაციის დონეს იკვლევს
თბილისი, 13 ივლისი, საქინფორმი. როგორც საქსტატი საქინფორმს ატყობინებს, საქართველოს სტატისტიკის ეროვნულმა სამსახურმა ივლისის ინფლაციის გაანგარიშების პირველი ეტაპი დაიწყო, რომელიც 20 ივლისამდე გაგრძელდება. კვლევის მიზანი საქართველოში 2012 წლის ივლისის ინფლაციის დონის დადგენაა.
ფასებზე დაკვირვება ფასების 19 რეგისტრატორის მიერ საქართველოს ხუთ ქალაქში (თბილისში, ქუთაისში, ბათუმში, გორსა და თელავში) მოხდება. ფასები შეგროვდება 1300 სავაჭრო და მომსახურების ობიექტზე.
ივლისის ინფლაციის მაჩვენებელი მიმდინარე წლის 3 აგვისტოს გამოქვეყნდება.
