პოლიტიკა
ეუთოს გენერალური მდივანი საქართველოს ეწვევა
თბილისი, 9 ივლისი, საქინფორმი. ეუთოს გენერალური მდივანი ლამბერტო ზანიერი სამხრეთკავკასიური ტურნეს ფარგლებში 10-11 ივლისს თბილისსა და ბათუმში სტუმრობისას მთავრობის ხელმძღვანელებს, პოლიტიკური პარტიებისა და სამოქალაქო საზოგადოების წარმომადგენლებს შეხვდება.
„ვიზიტის დროს გენერალური მდივანი მაღალი რანგის ოფიციალურ პირებთან, მათ შორის, ქვეყნების საგარეო საქმეთა მინისტრებთან პოლიტიკურ, სამხედრო, ეკონომიკურ, გარემოს დაცვისა და ადამიანის უფლებათა სფეროებში თანამშრომლობას განიხილავს“, – ნათქვამია გენერალური მდივნის სამხრეთკავკასიურ ტურნეზე ეუთოს პრესრელიზში.
ზანიერი ახლა აზერბაიჯანს სტუმრობს, 11 და 12 ივლისს კი სომხეთში ჩავა.
