თბილისი, 4 ივლისი, საქინფორმი. დღეს საქართველოს ევროკავშირის უმაღლესი ორგანოს  ევროპული საბჭოს პრეზიდენტი ჰერმან ვან რომპეი ჩამოდის. როგორც ტრადიციულ ბრიფინგზე საგარეო საქმეთა მინისტრის მოადგილე ნინო კალანდაძემ განაცხადა, ქართული მხარე ევროკავშირთან სისტემატურ ურთიერთობას დიდ მნიშვნელობას ანიჭებს.

ჰერმან ვან რომპეი საქართველოს პრეზიდენტ მიხეილ სააკაშვილსა და პარლამენტის თავმჯდომარე დავით ბაქრაძეს შეხვდება. შეხვედრებისას განიხილება პოლიტიკური საკითხები და ევროკავშირთან ურთიერთობები, სტუმრები შეხვდებიან ევროკავშირის სადამკვირვებლო მისიის წარმომადგენლებსაც.