აქტუალური
ექსპორტში ლიდერობს ავტომობილები, იმპორტში კი – ნავთობი და ნავთობპროდუქტები
თბილისი, 27 ივნისი, საქინფორმი. საექსპორტო ათეულში სასაქონლო ჯგუფთა შორის პირველობს ავტომობილები. როგორც საქსტატი საქინფორმს ატყობინებს, იანვარ-მაისში მსუბუქი ავტომობილების ექსპორტმა 212 მლნ დოლარი შეადგინა, რაც 22 პროცენტს უდრის. ექსპორტში მნიშვნელოვანი ადგილი უკავია, აგრეთვე, ფეროშენადნობებს – 108 მლნ დოლარი (11%); მესამე ადგილზეა აზოტოვანი სასუქები – 55 მლნ დოლარი (6%).
საქართველოს იმპორტში მნიშვნელოვანი პოზიციები უკავია ნავთობსა და ნავთობპროდუქტებს – 357 მლნ დოლარი (მთლიანი იმპორტის 12%), მსუბუქ ავტომობილებს – 285 მლნ დოლარი (9%), ნავთობის აირებსა და აირისებრ ნახშირწყალბადებს – 140 მლნ დოლარი (5%). 
