თბილისი, 18 ივნისი, საქინფორმი. 2012 წლის 15 ივნისს გაიმართა რუსეთის ფედერალური სამიგრაციო სამსახურის დირექტორ კ. რომოდანოვსკის შეხვედრა რუსეთის საზოგადოებრივი ორგანიზაცია „რუსეთში ქართველთა კავშირის“ პრეზიდენტ მ. ხუბუტიასთან. შეხვედრაზე აღინიშნა რუსეთის ფედერაციის ტერიტორიაზე საქართველოს მოქალაქეთა ადაპტაციისა და ინტეგრაციისთვის ჩატარებული ერთობლივი სამუშაოს პოზიტიური შედეგები.

შეხვედრაზე ხაზგასმით აღინიშნა, რომ რუსეთის ფედერალური სამიგრაციო სამსახური არ ატარებს რაიმე საგანგებოდ დაგეგმილ და მომზადებულ აქციებს უცხოეთის მოქალაქეთა დასაკავებლად და პასუხისგებაში მისაცემად მათი ამა თუ იმ სახელმწიფოსადმი კუთვნილების მიხედვით.

ფედერალური სამიგრაციო სამსახური სამიგრაციო კანონმდებლობის სადარაჯოზე დგას და რუსეთის ტერიტორიაზე მყოფ სხვადასხვა სახელმწიფოს წარმომადგენლებს ერთმანეთისგან არ განასხვავებს.