თბილისი, 31 მაისი, საქინფორმი. ბიძინა ივანიშვილთან დაკავშირებული საკონსტიტუციო ცვლილება უკვე ძალაშია. პარლამენტის მიერ გასულ კვირას მიღებულ საკონსტიტუციო ცვლილებებს პრეზიდენტმა ხელი მოაწერა და „საკანონმდებლო მაცნეშიც“ გამოქვეყნდა.

კონსტიტუციას დამატებული ახალი მუხლის მიხედვით, 2014 წლის 1 იანვრამდე საპარლამენტო და საპრეზიდენტო არჩევნებში მონაწილეობისა და ხმის მიცემის უფლება საქართველოს მოქალაქეებთან ერთად, შესაბამისი ასაკიდან აქვთ პირებს, რომლებიც დაბადებული არიან და ბოლო 5 წლის განმავლობაში მუდმივად ცხოვრობენ საქართველოში და ამ მუხლის ამოქმედების მომენტისთვის აქვთ ევროკავშირის წევრი სახელმწიფოს მოქალაქეობა.

ამ წესით არჩეულ პირებს შეეძლებათ დაიკავონ პარლამენტის თავმჯდომარის, პრეზიდენტისა და პრემიერ-მინისტრის თანამდებობები.