თბილისი, 31 მაისი, საქინფორმი. პარტია „თავისუფალი საქართველოსა“ და სამოქალაქო საზოგადოების წარმომადგენლებმა თურქეთის ელჩს საქართველოში ლევენთ მურათ ბურჰანის მიმართვა გაუგზავნეს.

მიმართვაში საუბარია თურქეთის განათლების სამინისტროს მიერ დამოწმებულ მაღალი კლასებისთვის განკუთვნილ თურქეთის ისტორიის სახელმძღვანელოზე, სადაც ერთ-ერთ ქვეთავში ჩამოთვლილია იმ ქვეყნების ნუსხა, რომლებმაც 1918 წელს თურქეთის ტერიტორია „მიითვისეს“, მათ შორის, საქართველოც.

თენგიზ ომანიძე („თავისუფალი საქართველოს“), შოთა ჭოხონელიძე („წინააღმდეგობის მოძრაობა“), სტუდენტი ირაკლი საჯაია და რეჟისორი ზუკა ჩაჩანიძე იმედოვნებენ, რომ სხვა ქვეყანათა შორის დასახელებულ „სახელმძღვანელოში გაპარული ხარვეზი – თითქოს საქართველომ 1918 წელს თურქეთის ტერიტორია „მიითვისა“, გამოსწორებული იქნება“, რათა თურქ მოზარდებს ჩვენი ქვეყნის შესახებ ისტორიული ფაქტები დამახინჯებულად არ მიეწოდოთ.