თბილისი, 22 მაისი, საქინფორმი. როგორც „ქართული ოცნების“ პრესსამსახური საქინფორმს აცნობებს, ამა წლის 1 მაისს, „შეკრებებისა და მანიფესტაციების“ შესახებ საქართველოს კანონის თანახმად, კოალიცია „ქართული ოცნების“ მიერ მერიას  წარედგინა გაფრთხილება და, ამავე კანონის მე-10 მუხლის მიხედვით, მოთხოვნილ იქნა უფლებამოსილი წარმომადგენლის გამოყოფა კოალიციის მიერ 27 მაისს დანიშნულ აქციასთან დაკავშირებით. თბილისის მერიამ ასეთ პირად გამოყო მალხაზ კუნელაური, რომელიც, ამავე კანონის მე-12 მუხლის მიხედვით, ვალდებულია, უზრუნველყოს მერიის მხრიდან აქციისთვის სათანადო პირობების შექმნა.

„ამა წლის 17 მაისს თბილისის მერიაში შედგა პირველი სამუშაო შეხვედრა აქციის ორგანიზატორებსა და ხელისუფლების წარმომადგენელს შორის. შეხვედრაში  მონაწილეობდნენ კოალიცია „ქართული ოცნების“ 27 მაისის აქციის ორგანიზატორი, „კონსერვატიული პარტიის“ თავმჯდომარე ზვიად ძიძიგური, კოალიციის იურიდიული სამსახურის უფროსი ზაქარია ქუცნაშვილი, ადგილობრივი ხელისუფლების უფლებამოსილი წარმომადგენელი მალხაზ კუნელაური და მერიის საზოგადოებასთან ურთიერთობის სამსახურის თანამშრომელი.

შეხვედრაზე კოლაციის წარმომადგენელებმა, აქციაში მონაწილების მიღების მსურველ პირთა  რაოდენობის გათვალისწინებით, დააყენეს  შემდეგი საკითხები:

–  თავისუფლების მოედანზე სცენის მოწყობისთვის სათანადო დროის გამოყოფა (2012 წლის 27 მაისის 01.00 საათიდან) და შესაბამისი პირობების შექმნა (სამუშაოების წარმოებისათვის გზის გადაღობვა);

–  ელექტროგახმოვანებისთვის ელექტროენერგიის წყაროებსა და რადიოფიცირების სისტემაზე დაშვების საკითხი;

–  ჟურნალისტთა პროფესიულ საქმიანობაში ხელშეწყობისთვის ამაღლებული სცენებისა და დაცული ადგილების შექმნა;

–  სხვადასხვა ტექნიკური საკითხი;