თბილისი, 10 მაისი, საქინფორმი. „მნიშვნელოვანია როგორც მშვიდობის მიღწევა, ისე მუშაობა მისი შენარჩუნებისთვის“, – ამის შესახებ საქართველოში აშშ-ის ელჩმა ჯონ ბასმა ჟურნალისტებს ვაკის პარკში განუცხადა, სადაც ფაშიზმზე გამარჯვების 67-ე წლისთავთან დაკავშირებით საქართველოს საგარეო საქმეთა სამინისტროს წარმომადგენლებმა და საქართველოში აკრედიტებულმა დიპლომატებმა  უცნობი ჯარისკაცის საფლავი ყვავილებით შეამკეს.

აშშ-ის ელჩის თქმით, მნიშვნელოვანია ისეთი ქვეყნებისათვის დახმარება, ვისაც ამ თვალსაზრისით პრობლემები აქვს, რათა ყველგან ადამიანის საერთაშორისოდ აღიარებული უფლებები იყოს დაცული ისე, როგორც ეს არის დასავლეთში.

საქართველოს საგარეო უწყების წარმომადგენლებმა და დიპლომატებმა, ასევე, პატივი მიაგეს მეორე მსოფლიო ომში დაღუპულ ქართველ მეომრებს.